Imelda Marcos

Imelda Marcos
Imelda Marcos
10ena Primera Dama d'as Filipinas
30 d'aviento de 1965 – 25 de febrero de 1986
Precediu por	Eva Macapagal
Succediu por	Amelita Ramos
Gubernadora de Manila
27 de febrero de 1975 – 25 de febrero de 1986
President	Ferdinand Marcos
Succediu por	Jejomar Binay
Miembro d'a Cambra de Representatz d'as Filipinas por Districto de Leyte
30 de chunio de 1995 – 30 de chunio de 1998
President	Fidel Ramos
Precediu por	Cirilo Roy G. Montejo
Succediu por	Alfred S. Romuáldez
Naiximiento	2 de chulio de 1929 Manila (Filipinas)
Partiu	Partiu Liberal Partiu Nacionalista
Conchuche	Ferdinand Marcos (1961-1989)
Alma Máter	Universidat de Manila

Imelda Remedios Visitación Trinidad Romuáldez Marcos, conoixida simplament como Imelda Marcos u con a suya embotada de paixarela de fierro, naixida de Manila (Filipinas) o 2 de chulio de 1929, ye una politica filipina que estió la 10^ena Primera Dama d'as Filipinas dende o 30 d'aviento de 1965 dica o 25 de febrero de 1986, aduyando a lo suyo mariu en o gubierno d'a nación y a centralizar tot o poder y establir-ne una autocracia chuntos. Mientres o gubierno d'o suyo mariu, chuntos furtoron milars de millons de pesos acumulando una fortuna personal estimada entre 5 mil y 10 mil millons de dólars en o momento en que estioron depuestos en 1986. Ye muit conoxida porque dimpués d'a suya fuyida d'o país en 1986, se troboron mas de 1.000 pars de zapatos en o Palacio de Malacañán que li perteneixeban.

Dende que lo suyo mariu estase expulsau d'a presidencia de Filipinas, Imelda ha confrontau numbrosos procesos legals referents a las malas practicas financieras que ella y lo suyo mariu habrían cometiu mientres os suyos 21 anyos en o poder. Tot y con os numerosos chudicios y casos ubiertos en a suya contra, Imelda no ha recibiugarra condena definitiva y la mayor parte d'a fortuna que se l'acusa d'haber malversau sigue sin estar recuperada per l'estau filipino.

En l'actualidat contina estando una figura influyent y notoria en a politica filipina y ye centrada en esfender o legau politico d'o suyo esposo. Los suyos simpatizants la exaltan per os suyos logros en l'ambito cultural mientres lo periodo como primera dama de Filipinas y los suyos criticos la consideran co-responsable d'o rechimen d'o suyo esposo y la catalogan como superflua y desconsiderada enta lo pueblo filipino.